عيشها بإيجابية 💕

صباح الخير .. انا عندي مشكله ..مش قادره اتخطي مشاكلي مع امي من وانا طفله الي الان حاولت كتير اسامح مقدرتش بس بحاول اتعامل بما يرضي الله ..لكن هي تصرفات وكلامها بيضايقني جدا ومش قادرهةانسي قسوتها علينا ومع بابا الله يرحمه وكل ماتحصل مكشله جديده معاها بفتكر كل اللي فات واكتر حاجه بتضايقني لما بتتكلم عن بابا الله يرحمه بططؤيقه مش كويسه حتي بعد ما مات ودايما عايشه دور المظلومه وانا مش قادره اسامحها ولا عارفه اتعامل معاها اعمل ايه؟

how can I be friendly?

جماعه انا بتطلق و جوزي كان صاحب الشغل يعني طلاق وخراب ديار هل من داعم

كيف اتجاوز شعورى بالوحده بعد فقدان ابى وأمى برغم انى أعمل ؟

حبيت احكى شيء جوايا مش عارفة الاقى حل. ليه وهو انى مش عارفة اخرج من عالمى القديم طليقى... وعلاقة البنات بأبوهم .. دلوقتى مشكلتى انى مبقتش باتحمل اتحمله لاغية كرامتى بمقابل كرامة البنات وشكلهم قدام الناس مش عاوزة اتنازل عن نفسى تانى قرفت مجاملات فوق طاقتى من مقابلات اهله ووجوده ف حياتى باسم الاب اللى بيحتوى بناته كرهت انى اكون مطلقة مميزة ...وف المقابل اعصابى وكرامتى وكاريرى ونفسى انا بقالى عشر سنين مش لاقيه نفسى الحقيقية طول الوقت دايسة نفسى واحتياجاتى المادية والمعنوية والنفسية ..صح عشان بناتى بس زهقت وقرفت لما بشوف ف بناتى تصرفاتهم دا كفيييل يقفلى يومى ويمكن يقفلنى من البنات كمان الى بيسمعنى كدا دلوقتى بيقول انى مش منطقية ومتحولة نفسيا نتيجة لحسد او غيره بس لااااء. انا طول الوقت واعية كويس جدا ان دا فوووق طاقتى بس كنت بقول طالما قادرة أتخطى مفيييش مشكلة النهاردة مابقيتش قادرة اتحمل تطفلهم اللى انا سمحت بيه باخد قرار حاليا بخروجهم من بيتى وكيان بناتى وكيانى. وماسمحش لحد بالتدخل ف حياتى وانهم يبقى على دراية بظروف بناتى واحوالى معاهم مش خوف من القرار إطلاقا ولكن كنت بحس بامان ف وجودهم.تجاه البنات اللى بعوزه بيتعمل بس انا ما بقيتش طايقة اشوفهم او اسمعهم (((انا سيبت بيتى وانا ماكنتش عاوزة أسيبه وداااا علشان انا مابحبش الفشل ولا احساس الفشل مش عشان كان عندى اللى يخلينى اتمسك بيهم ومسكى بيهم دلوقتى عشان كنت بحاول اقتصر خسارات الفشل عليا انا لوحدى من غير ما القرار ياثر على البنات )))) كنت بحاول بكل ما املك التغاضى عن اى. شىء هاياثر عليهم بالسلب...

حاسة انى مش واثقة ف نفسى ف الشغل وانى وحيدة ومش عارفة اكون صداقات اعمل ايه عشان ثقتى بنفسى تزيد واخلى الناس هى اللى عايزة تتعرف عليا مش العكس؟ وازاى اكون جذابة ف كللمى والناس تحب تتكلم معايا؟

تركيزك على نفسك هيجذب ليك حياة تليق بيك ♥️ #رمضان_كريم 🌙

أنا لسة واخدة الأجازة من الجامعة فإزاي أقدر أملى يومي ب lifestyle كويسة و صحية مش عايزة الأجازة تضيع و أنا نايمة في البيت

ازاى اتعافى من التعنيف فى فترة الطفوله عشان الموضوع بقا يتحول لكوابيس

مساء الخير عوزة اطور من نفسي ثقافيا فلو واحدة حابة تتواصل معي نشجع بعض ع القراءة ونقرأ كتاب كل فتره ونشجع بعض ع القراءة

صباح الخير💚 طول عمري مختلفة من وجهة نظر الناس 💚 جوايا أنا عادي مش شايفة إختلاف لكن الناس لأسباب كتير عينهم بتلقط الاختلاف بسهولة ورد الفعل يا إيجابي يا سلبي الأغلب الأعم سلبي ندي مثال ...#صوتي طول عمري صوتي مختلف عن كل اللي في بيئتي المحيطة فيه بحة شديدة #التنمر كانوا بيشوفوه خفة دم فكنت ممكن أقول صباح الخير والمفروض الإجابة تكون صباح النور كانت تبقى الإجابة من عينة ** ايه كنتي بتغني في فرح ناس طرش **ايه أنت واكلة قلقاس على الصبح **بنات كيوت لطيفة تتخض وتبصلك نظرة رعب واستغراب غير مبررين يعني دة حتى صوتي واطي يعني **متتكلميش شكلك تعبان **أو حد يقلد صوتي ظنا منه إن دي خفة دم #ردود_أفعال_لطيفة_زي مالك الف سلامة خير ودي متكررة وفيه ناس لطيفة كتير أو صوتك مميز وحلو جامد ودي نادرة تقريبا اتنين في حياتي قالولها لي #المهم النتايج عليا أنا إيه ؟! #نفترض إني طالبة مجتهدة مميزة بعرف أتكلم حلو ويختارني مدرس جميل عشان أقول الإذاعة دايما وبعدها مدرس غيره ينحيني بس بسبب صوتي #نفترض إني داخلة الجامعة مشرقة متفائلة عاوزة أعيش وأنجح وأنا شخص حساس فلما يبدأ اليوم بالتعليقات دي إنتاجيتي بتقل وإقبالي على المذاكرة والتحصيل بيهدى #نفترض إني عاوزة أتكلم وسط المدرج وأتناقش لأني شاطرة وعندي رؤية فلما كل المدرج يبصلي فجأة باستغراب أول ما أتكلم فأتوتر وافكاري تهرب ومتطلعش منظمة. #نفترض إني لما بقيت آنسة في سن زواج كان التعليق ييجي على النقطة دي بشكل فج فيخليني مترددة في فكرة مقابلة الناس وثقتي بنفسي تقل #نفترض إني بعمل ماجستير في كلية محترمة والعميدة كانت مشرفة عليا وجيت أعمل presentation فقالت لي اسكتي بضبحتك دي مزعجة جدا فاقفل من الماجستير كله ومكملوش الافتراضات كتير ومش هتخلص ونتايجها أكتر وعلى قد ما الموضوع يبان بسيط عندي بس آثاره جمه رهيبة مخيفة ممكن نتكلم فيها بعدين #القصد فيه كم مختلف شبهي لعلة أو لمرض أو لحادث أو لظرف اجتماعي أو ظرف نفسي أو أو أو إلى ما لا نهاية كم واحد اتأذى بس متأثرش وكمل ونجح فعاوزينه يحكي لنا ويكون نبراس لينا كم واحد اتأذى ولسة بيعاني فعاوزين نحاوطه ونساعده كم واحد عاوز ياخد فرصة كم واحد عاوز بس يعبر عن نفسه أنا نفسي أعمل حاجة تجمعنا تجمعنا إحنا المختلفون وتجمع اللي تقبلوا اختلافنا ونساعد بعض نعمل حاجات كتير دعم نفسي ..علمي..مادي؟!

🤍💪🏻 ايه_البشلاوي عيشها_بإيجابية لايف_كوتش