aya.ahmed

مساء الخير احتاج مساعده من مختصه لسه جديده ومش عارفه اتعامل ازاي ياريت اللي يقدر يساعدني يقولي ومن فضلكم بلاش تعليقات سلبيه انا 29 وولدتي توفت من ٣ سنين وفقدانها مأثر فيا بشكل كبير ده لأنها غير أنها أمي هي كانت صحبتي الوحيده الحقيقيه في حياتي وكانت بتشجعني وتقويني ولو في حاجه كانت ديما بتبقي جنبي مقدرتش اتخطي وفاتها لاني مقدرتش احزن عليها بسبب أن حماتي كانت تعبانه وكان ممنوع عليها أي زعل وانا اللي كنت شيلاها في كل حاجه وقعدنا فتره مخبيين عليها غير طبعا المشاكل اللي كانت بتحصل زي بقيت الناس مع جوزي فعودت نفسي علي اني أبين اني قويه وغلطتي اني كنت بهرب بالوجع ده باني اشرب مع جوزي ممنوعات بحجه أن طول اليوم هلكانه مع حماتي وبيت العيله وبليل افصل دماغي وانام محسش بحاجه ونسيت اقول جوزي عنده مشكله في الخلفه فمكنتش شايله هم أن الموضوع ده ممكن يأثر علي حاجه المهم قررنا أننا نعمل عمليه حقن مجهري تاني عملنا اول مره في اول سنه جواز قبل حماتي متتعب وجهزنا نفسنا وطبعا وقفت كل حاجه وعملت العمليه وحملت في توأم يشاء ربنا أنهم يموتو في الرحم في الشهر السادس فأجهضتهم طبعا ودفنتهم في شهر 4 اللي فات وفنفس يوم العمليه بعدت عن الناس كلها قدر المستطاع تقريبا مكنتش بشوف حد قعدت تقريبا ٤شهور ونص او 5 مبخرجش بره باب الشقه حرفيا مش ديما كنت برد علي الفون كنت منعزله حرفيا وطبعا رجعت حياتي القديمه بس علي أعمق اهرب بحضن جوزي والممنوعات لحد من 72 يوم 12/10 اللي فات توفي جوزي بدون سبب حرفيا كان مسافر وبيشتغل بتصل اصحيه لقيت زميله بيرد عليا بيقولي البقاء لله ومن يومها وانا في صراع كبير صداااااع مستمر بعدت طبعا عن كل حاجه وابتديت الجاء لربنا بس حرفيا عقلي مش قادر يستوعب عقلي بقي يفصل مافيش تركيز غير لو الكلام عليه كله بيكلمني أن عدتي تخلص وان شاء الله ربنا يرزقني بغيره واللي يقولي انتي بقيتي ضيفه هنا عدتك تخلص وهترجعي عن باباكي ومراته وكلام كتير من اللي ملهوش لازمه محدش فاهم أنا وجوزي علاقتنا في اخر فتره كانت عامله ازاي أو كنا قريبين من بعض ازاي أنا وهو كنا متعلقين ببعض بطريقه متتوصفش ولا حد قادر يتخيلها انا عايزه اعرف اتعامل مع الوضع ده ازاي أنا مبقتش مركزه في اي حاجه مش عايزه حد يكون جنبي عايزه استعيد نفسي عايزه افوق ارجو الرد بدون تجريح او كلام يوجع قلبي اكتر مهو موجوع كفايه علياكلام اقرب الناس