Kitna kuch kehna hai tujhse, Par kya tu sunne ayega mujhe? Kab se tera intezar kar raha hoon, Aur tu hai ki bekhabar hai mere jazbaat se. Koshish ki maine tujhe ishare mein samjhane ki, Par tu to unhe samajhna hi nahi chahta. Sochi thi, sidha keh doon, khul kar bata doon tujhe, Par tu to us baat ko bhi nahi samajh paya. Har mumkin koshish ki maine, Tujhe samjhane ki, yeh dil keh raha hai bas tu hi hai, Woh jiski mujhe talash thi, Jiske liye mera dil har pal bechain hai. Par tu kaha samajh paa raha hai mere ishare? Sidha bhi bola, energy ke zariye bhi bola, Phir bhi tu khud mein hi chhupa hai, Kab samjhega tu? Akhir kab? Kab tak tera intezar karun? Thoda toh reham kha mujh par. Pehle hi bahut intezar kiya hai maine, Bas ab aur nahi, kuch toh keh de mujhe. Kab se chup hai tu, Ab toh apni khamoshi tod de. Bata de mujhe ki tu bhi chaahta hai mujhe, Utna hi jitna maine tujhe rab se manga hai. Keh de na ki tu mera saath dega, Keh de ki mujhe kabhi akela nahi chhodega. Bata de ki tu meri baatein sunega, Aur har jazbaat ko samjhega. Par tu ye sab kehne se bhi katra raha hai, Mujhe woh ehsaas de raha hai, Ki bas main hi hoon jo yeh koshish kar raha hoon, Main hi hoon jo tere liye rab se lad raha hoon. Tujhe meri zarurat nahi lagti, Yeh soch mere dil ko tode ja rahi hai. Meri galatfahmiyan tod de, Mere andar ke dar ko mita de. Kab tak karega yeh intezar? Bas ab aur nahi, ab toh maan ja. Apni khamoshi ko tod, ek baar keh de, Ki tu bhi mujhe chahta hai, jitna maine tujhe chaha hai. Keh de ki tu mera saath hamesha nibhayega, Aur kabhi mujhe akela nahi chhodega. Bas ek baar, meri duniya roshan kar de, Aur is dil ko sukoon de.